  |
  
|
經常聽到人地話，呢個世界越來越少好人。
真的，好人的確越來越少，因為要成為一個好人，比成為一個壞人困難好多。
壞人從來都唔需要顧及任何人的利益和想法，只需要顧及自己的利益就可以。
相反好人去幫助其他人的時候，還要顧及受幫助的人的面子，感受和利益，會不會幫得太多，結果令受幫助的人難堪？
然後因為太過熱心去幫助人，令到受幫助的人覺得自卑，受屈辱(雖然我一點都不明白何來自卑屈辱之有，今次人幫你，下次你幫返人咪得囉!)，受幫助的人不單沒有半點感激之心，仲要將幫助他的人當成仇人，不停地攻擊和中傷。
是因為接受不到自己也需要幫忙這個事實嗎？
其實人最傷心的，不是人家對你不好－－－這並不奇怪，不是人人都會你好的。
你全拋一片心，也不為回報，感恩，致謝。
到頭來卻被最信任，維護，親愛的人「背叛」了，被毫不防避的尖啄啄傷流血－－－這才是人間最痛。
－－－李碧華 還是情願痛
前幾日在商場的扶手電梯上，看見迎面而來的2個男仔，其中一個親暱地依偎著另一個男仔的膊頭，很自然的一點造作也沒有。
但當我望見那一刻，不知道是否外面天氣很熱，商場內的冷氣令我霎時未能適應那種溫差的關係，忽然覺得有點"毛管棟"的感覺。
我從來不反對同性戀的，因為我覺得這是很個人的選擇，不過可能我少見多怪，2個男仔親暱的動作好像比起兩個拖著手的女生有點不同的感覺，真奇怪。
果日寫完blog之後，好想好想食cheese，所以去了city's super買了一小塊brie同一小塊parmesan，加個fuji apple切成小粒同薄片就變成了自家製的cheese platter了～
加返杯白酒就成了夏日的點心lu～
今日配了惠康買的Oyster Bay Chardonnay，$198 2支！
材料：全麥麵包，水浸吞拿魚罐頭，kraft miracle whip，hard-boiled egg，糖，胡椒粉，薄荷葉(裝飾用)
其實加西芹粒係會好味d既，不過超級市場賣的西芹一包實在太多，都唔知要整幾多罐吞拿魚先整得完，所以放棄了。
加糖係key point，因為通常沙律醬都帶點酸，一定要加d糖來中和返，鹽就可以唔需要，因為已經係浸過鹽水喇。
我喜歡配earl grey茶，就成了一個小小的下午茶lu～ 簡單又好味～
如果再加多d其他小食點心，仲可以整個自家製的high tea set添呀～！
前陣子跟朋友飲野時叫一個cheese platter，有brie，parmesan同goat cheese，仲有d生果。
好耐冇食過咁好味的brie同parmesan喇，因為香港買好味的cheese實在貴太多喇，唔捨得。
仲有prosciutto，真係賣得超級貴。
食芝士呢養野係我自己的個人喜好，屋企除左我之外，佢地都麻麻地唔係特別太鐘意，所以通常我都會晌d意大利舖買一小舊，自己邊切邊配下其他餅乾，生果同飲品，自己wine pairing。
但究竟正確的芝士食法係點呢，我的確唔係好清楚。
講返個cheese platter，我好自然食左一小口brie，一來我鐘意，二來淡味的食先比較舒服。
後來朋友望望我，然後佢將件brie外面的白色外層切掉先食，我忽然有點尷尬起來，雖然我曾經有懷疑過那白色的外層係咪edible，但後來試多幾次我發現如果連埋外面的白色外層食，其實係比較有口感的。
那一刻尷尬之後，我地就繼續食野傾計。
今日無lala想起個晚的尷尬情況，就search左一下究竟brie應該點食呢，原來有wikihow呢個網頁，除左brie cheese，連榴槤都有教點食!
仲有教人點樣cheer up添呀!
原來brie的白色外層係食得的～
