香港屋企只得我同妹住，佢以前帶個男朋友返黎屋企住，男朋友俾我趕走，佢自己跟埋人走，後來又話我趕佢走。半年前佢搬返來住，又俾我發現佢帶男朋友返屋企過夜，每次俾我 發現，佢都同媽咪講話以後唔會帶人返來訓。

我收到message準備返屋企同媽咪講話有男人搬來住唔方便既時候，又俾我撞到我妹帶男人返屋企過夜。睇唔到樣，因為我只見到佢閂房門時有個人訓左晌張床到。我拍門問佢入面係邊個，同佢講話媽咪話唔可以帶人返屋企。點知佢唔開門不特止，仲話叫媽咪親口同佢講丫。我之後話再唔開門我就報警，佢竟然話你咪報囉。

然後我好嬲，行左去廚房諗住睇下可以點做，就見到廚房一地都係啤酒樽蓋同啤酒樽。

打去加拿大搵媽咪又冇人聽。

唔知道房入面係咩人，唯有想辦法開房門，但又擔心唔安全，所以我右手拿住屋企最長個把刀，左手拿住屋企入面最長既螺絲批，準備開門。

我仲猶豫開唔開門既時候，電話響，因為把聲好唔妥，我將件事講左出來。後來朋友叫我唔好衝動，先打俾媽咪，唔好撞入去，2個人對一個人，始於對我不利，如果再搵唔到就報警。

結果打左幾次終於搵到媽咪，媽咪話佢會同個妹講，然後再打返俾我。

過左幾個字，媽咪打來話我妹個朋友已經走左。佢話我妹同佢講，返到屋企淨係對住4面牆，同我又冇咩好講，好寂寞，所以帶朋友返來睇碟。然後佢又應承以後唔會帶人返來。

不過我最後都係將把刀同螺絲批留左係房入面個廁所到。

第二日，我敲我妹房門話有野同佢傾，敲左好耐佢都唔應門，我問佢係咪搵左，佢又冇反應，所以我擅自開左佢房門入去睇下咩事。結果佢睇碟唔理我，我同佢講野佢原全冇反應，好似聽唔到咁。

尋晚我聽到佢房有怪聲，拍門又冇人理，我拿住支大螺絲批開門衝左入去，睇下咩事，原來佢又睇碟。

之後我叫佢執返自己d啤酒罐同洗返自己d碗，結果佢當然冇做。

今日佢個msn竟然寫住：做咩要恐嚇我

哈! 我估唔到原來熱愛睇stephen king小說的會覺得咁係恐嚇。

今日佢叫左開鎖佬返黎換鎖，可能個開鎖佬太後生，我以為係佢d朋友。

之後點知佢房把鎖要換就要成把鎖換，唔可以淨係換鎖芯，所以可能要改天再換啦。

但係我當住個開鎖佬面叫佢記得執返d啤酒罐，如果唔係我就掉晒入佢房。

咦，頭先佢又真係洗晒d碗喎。。。。

不過我仲晌個開鎖佬面前，同媽咪講電話理論，話如果佢換鎖，就成日偷偷地帶男朋友返來鎖埋房門，佢最鐘意帶唔同男朋友返屋企訓，男朋友又夠厚面皮俾人趕走完都仲走上來，又容易寂寞，自己話冇男朋友訓唔著覺，所以先要跟埋個男朋友走。

依家諗返起，我又好似唔應該係人地面前咁講佢，但係既然係要講人壞話，何必背著人講，就係佢面前講。

然後佢就句句都加返一兩個粗口黎同我講野。

仲要話自己係碩士生，荒死人地唔知佢學歷高，我同佢講：你真係前途無限喇。

屈係心入面好唔舒服，臭屎真係唔應該冚，要抖抖氣。

今日竊聽風雲第一日上映，我地就一齊去左睇喇~!

我覺得好好睇呀，而且故事仲好寫實添。

是一套用心拍而且好man的電影。

之前睇另一套由劉青雲主演的再生號，我覺得以中文戲來說，算唔錯，但總覺得欠缺左d咩，唔係好值得買飛去戲院睇咁。

而電影開始之前的預告片播的是另一套由古天樂主演的大內密探零零狗，典型王晶式的港產喜劇，有d擔心會唔會又係唔值得去戲院睇中文戲呢？不過睇完竊聽風雲完全令我對中文戲改觀lu，原來香港都有好電影的!

聽日就去北京lu，我會好好好好好好好好好好好好掛住ray的。

我很喜歡Michael Jackson這首歌You are not alone。

由天后踏入維園先發現原來擔心係多餘的，因為仲有好多人未出發。

不過我地剛剛踏入球場行到差不多中間，就俾d警察指左去另一邊行出街喇，所以唔知道數人頭有冇計到我地。

行到街上前面塞住行唔到唯有乾曬。

後來聽到好多人起哄，右面突然多左條電車線行，我地都跟住行。

電車上面的乘客大多都支持我們，我仲見到有些電車乘客要求遊行人士俾d遊行標語旗幟俾佢地，為遊行人士打氣添!

可惜在電車路上trap左好耐，一直大家都有大喊"開路"，但天橋上面的白色制服警察就懶懶閒咁淨係望住我地。

好彩有d大廈遮太陽，在30幾度的炎熱天氣企成個鐘，真係會中暑的。

(p.s.當時我地身邊有老人家，小朋友，仲有傷殘人士，但係警方一直都唔肯開路，當時路面上面已經冇車行，30幾度企咁耐真係會中暑的，唔通警察要等到有人中暑先肯開路俾我地行？)

中途有一個藍色制服警察在遊行隊伍中，由後面走上前頭，一面喊"其實我支持你地架，不過你地等我行去前面了解下咩事先!"。

眼見d藍色制服警察同我地一樣大家身水身汗，但係d白色制服的警察就在天橋和電車上懶得理我地，真係豈有此理，絕對要減白色制服的警察人工!

後來直到有人喊"向前行"，大家開始一步步咁向前行，擾攘左成個鐘終於可以正式出發，原來民主大道真的不容易走。

中間等開路時停左一陣，所以在路邊買左水飲，然後繼續行。

差不多行左3份1我就跟住Ray在行人路上扒頭，之後我地行得好快，不過一路行都見到好多人，好多唔同既隊伍，但係成日都行下停下咁，行人路雖然都有d塞，不過尚算暢順。

大概7點左右去到政府總部。

真係好累呀～～～～　不過我覺得很有意義。

行電車線 (16:40)

等待期間

開路！開路！開路！

應該減人工的白色制服警察

身水身汗的藍色制服警察

差唔多去到ｓｏｇｏ喇 (17:35)！

見到鵝頸橋(17:55)

長毛的背脊

可愛的草泥馬

差不多到政府總部(18:48)

Donald Tsang is a Poor Guy

中環碼頭等船返尖沙咀時見到西九龍的ICC原來都差唔多起好。

我覺得自己好幸運, 身為中國人, 卻是出生於一個擁有不少人權的英國殖民地.

人的基本權利, 言論自由, 集會自由, 出入境自由等都受到保障.

唔知道第日如果我的bb要在中國地方出世, 能不能擁有和我一樣的基本人權呢?

我真係唔希望第日我的bb問我, 媽咪點解我的權利比其他人少甘多既?

點解美國人可以甘, 加拿大人可以甘, 我就唔可以?

我只能答佢, 鬼叫你係一個中國人meh, 接受現實吧!

我真係唔希望有呢個情形發生, 所以聽日維園見!

其實人最傷心的，不是人家對你不好－－－這並不奇怪，不是人人都會你好的。
你全拋一片心，也不為回報，感恩，致謝。
到頭來卻被最信任，維護，親愛的人「背叛」了，被毫不防避的尖啄啄傷流血－－－這才是人間最痛。

－－－李碧華　還是情願痛

但當我望見那一刻，不知道是否外面天氣很熱，商場內的冷氣令我霎時未能適應那種溫差的關係，忽然覺得有點"毛管棟"的感覺。

我從來不反對同性戀的，因為我覺得這是很個人的選擇，不過可能我少見多怪，2個男仔親暱的動作好像比起兩個拖著手的女生有點不同的感覺，真奇怪。

果日寫完blog之後，好想好想食cheese，所以去了city's super買了一小塊brie同一小塊parmesan，加個fuji apple切成小粒同薄片就變成了自家製的cheese platter了～

加返杯白酒就成了夏日的點心lu～

今日配了惠康買的Oyster Bay Chardonnay，$198 2支！

材料：全麥麵包，水浸吞拿魚罐頭，kraft miracle whip，hard-boiled egg，糖，胡椒粉，薄荷葉(裝飾用)

其實加西芹粒係會好味d既，不過超級市場賣的西芹一包實在太多，都唔知要整幾多罐吞拿魚先整得完，所以放棄了。

加糖係key point，因為通常沙律醬都帶點酸，一定要加d糖來中和返，鹽就可以唔需要，因為已經係浸過鹽水喇。

我喜歡配earl grey茶，就成了一個小小的下午茶lu～ 簡單又好味～

如果再加多d其他小食點心，仲可以整個自家製的high tea set添呀～！

How to eat brie?

How to cheer up?

不過前晚我竟然激到佢外面行雷閃電都話要出去，我真係個腦好lag諗唔到野。

但係分開唔夠12小時，我已經好掛住佢喇。。。。

有佢係身邊我就訓到隻死豬咁，返到屋企竟然眼光光，mmmmmm失眠的晚上，發現床邊有本早前買落的小說，一口氣睇完。

《待續回憶2 唯獨愛你難以忘懷 》鄭梓靈與楊一沖合著

唔知係咪因為係２個人合作一齊寫的關係，感覺同以前有ｄ唔同。

睇完又令我想起Ｒａｙ。

睇第一本鄭梓靈的小說係大概５－６年前，在多倫多那個租書店老闆介紹的”迷失在夢想國的戀人”，內容已經唔係好記得係咩，只係記得一邊睇一邊喊，好感動。

我真係唔希望再錯過你，好想好想打電話同你講，但一諗到你幾晚俾我激到冇覺好訓，又唔忍心嘈醒你。

記低先，聽日再話你聽。

媽媽家書﹕孩子，救救自己

(明報)2009年6月13日 星期六 05:05

【明報專訊】小寶﹕

現在的世界很不安全，對於像你一般手無搏雞之力的羸弱幼兒，死亡陰影無處不在，我很不安。

可怕的大人

早前的新聞，一個三歲孩子與爸爸在空地玩耍，忽地闖出一個瘋漢，亂刀把孩子斬死，目擊者說「斬得刀也拿不出來」、「斬完又斬」、「真恐怖」。

爸爸捨身護子道﹕「要斬就斬我吧！」結果瘋漢斬完爸爸，復斬兒子。好好地玩耍的孩子竟淪為刀下亡魂。

聽到新聞後，我馬上想起你。

你現在兩歲半，與被害男童只差半歲，都是剛懂世事，講話也不太連貫的無知孩子，怎會有那麼可怕的遭遇？我心中異常不安，彷彿見到可怕的菜刀砍向孩子的一剎，感到椎心刺骨之痛。心急如焚，下班後跑着回家，打開門，直到真的緊緊抱着你，才能稍覺安心。

可是，對孩子下毒手的，不單是精神有問的人。台灣    彰化一個男人喝醉了，與妻子吵架。他生起氣來，舉起十個月大的女兒，作勢要丟進煮麵的熱水鍋。妻子竟說﹕「你有種的，就把女兒丟進去！」父親為一口氣，竟就把女兒進去！可憐被父親丟入熱水鍋的十個月大女嬰，受盡痛苦之後，因器官衰竭不治。

可怕的世界

這兩宗悲劇令我有所感悟，現今世界的正常人，也會做出與精神病人差不多的事。大家都奉行「森林定律」，以強凌弱，互相挑釁。反正不論結果如何，受傷害的只是孩子，不是大人。

但你既已出生，為了在這可怕的世界自救，我有兩點意見﹕

（一）不要接近脾氣差的人

（二）不要變成脾氣差的人

關於（一），我們不應歧視精神病人，但一些正常普通人，脾氣卻差得與精神病人無異，必須避之則吉。

正常人的生理沒有問題，脾氣可以控制，很多人說「氣死我了」、「控制不了」、「不罵不快」之類，只是藉口，容許自己的脾氣像火山般爆發，把自己的怨氣讓其他人承受。

這種人有個特點，就是待外人以禮，待家人苛刻。

台灣彰化那兩夫婦，丈夫拿十個月的女嬰要脅妻子，你能說他脾氣沒有問題嗎？那個妻子，看着丈夫高舉女嬰，口中仍不退讓，還要挑釁兩句﹕「有種的，你就丟進去！」你覺得她很正常嗎？

可是，如果我們深入研究他們的生活背景，也許發現他們的父母都是這般對話，他們的兄弟親友都這麼做，從小至大都浸淫在互相指摘的環境，夫妻之間說句「對不起」難如登天，認一句「我錯了」辱沒尊嚴。反正嬰兒不懂說話，還不會說什麼難聽的話，就挑小孩子欺負。

我們身邊當然也有這種人，而且不少。如果見到這些人，可以好言勸勸「以和為貴」之類，但千萬別以為你的勸言多麼有力。他過去幾十年對家人都是如此，不會因你的一句話而改變。所謂「近朱者赤，近墨者黑」，勸過後，為免沾染他的惡脾氣，還是避開算了。世上永遠有比他更值得結交的人。

關於（二），一旦你亂發脾氣，就是放棄自己的尊嚴，變成一個只向弱者發怒的人。如果別人以壞脾氣對你，你可以做的就是避開他。你不可能知道他到底有精神病或只是脾氣暴躁，反正放棄他另結其他朋友吧，世上永遠有更友善的人可以結交。除非他看到自己有毛病主動改變，他不改變，則對他多麼親切和藹也沒用。

對付惡毒的人，你最有力的武器，不是比他更惡毒。你最有力的武器，是完全不像他，活得比他更好、更受人尊重，他日後必搥胸頓足，自慚形穢。

媽媽

2009年5月31日

文﹕張宏艷    （星級媽媽，育有3名2至10歲子女）

已故肥金魚

my new sandal

好好味的豬肉紙~ yum!

得閒可以去試下整返張polaroid相玩下～http://www.poladroid.net/download.html

山楂意米水

材料：生熟意米、山楂、沖繩黑糖

雞湯浸菜芯